في الوقت اذاكا وائل بعد ما وافق خرج طول مشا لبار باش يشرب رغم انو السهريات متاع الشراب موش جاوو اول مشد شركات بوه نحاهم من مخو وحب انو يتحمل المسؤولية لي كلفهالو بوه على خاطرو تربا اكاكا والطيش متع الصغر والمراهقة نحاهم.
لكن ليوم تلز انو يشرب مخنوق يحب يرتاح من الخنقة الى شدتو ملى سمع، لا عمروتصور انو باش يجي نهار و يعرس بوحدة ما يعرفش حتى وجها كيفاه و إلا اصلا انو يعرس كان منحي حكاية العرس من مخو بالنسبة ليه حكاية فارغة و تكسير راس.
وهو موش مستعد انو يعطي من وقتو سيرتو انو ناقم بعد الي صارلو معاش عاطي ثيقة وميحبش يدخل في اي رولاسيون.
هو يعرف مليح الى النساء الكل موش كيف كيف و يقدر النساء لكن الجرح لي تجرحو خلاه يذوق المر ويساكر على الجرح ومعاش يعطي اي مجال لحد اخر باش يحلو مهما كان.
الي فاجئو هو انو اخر عبد توقع انو يعرس بها هي ليليا كان يتذكرها كي كانت صغيرة و حس بأهتمامها بيه الى مركزش معاه.
اعتبر روحو موش شالق بيها و قال راهي فترة مراهقة و تتبدل و في كل مناسبة ميغزرلهاش اصل لين نساها.
كان يسمع في اخبرها كي يبدا بوه يحكي مع بوها و بما انو السنوات الاخيرة مراهاش جملا علا خاطرها مشات باش تكمل في قرايتها في امريكا ديما ينسها و ميخممش فيها اصلا.