و هو قاعد يشرب الكاس ورا خوه جات وحدة تتمعجن من غادي قعدت بجنبو عاللخر قريب تقعد في حجرو و الشي الكل على برا المعري اكثر من المغطي وريحتها الكل شراب و هم ضاهر فاش كانت تعمل تتشقنيس تسخاب صوتها sexy وهي تقول دجاجة مذبوحة.
قتلو: "محلاك و محلا عينيك".
تبزنيس فيه عيني عينك تقول عزري مغزرلهاش اصل و قال تو تفهم و تهز روحا وتمشي.
لكن هي شي. اصلا النوع هذا يكبش والقدر ميكسابوهوش زادت قربتلو وحطت يديها على سقيه.
وعاودت تكلمت: "مسخنها هنا ياخي مسخنتش.. شرايك كان نمشيو نبدلو الجو".
غزرلها هزها وحطها و بعدلها يديها بنطرة وقعد يقحرلها واش يكرههم هالانواع.
قلها بنطرة: "برا ارجع منين جيت ".
تنبزيت و قتلو: " انتي الخاسر ".
وعاودت غزرتلو وحلت عينيها و تبسمت.
وقاتلو "تي ماو قول ملول اطوس سعا ضاهر ماليان.. كان معنديكش خلص في وقت اخر".
زاد تقزز منها و طارتلو قام و مد سطوشو رما علاها 200 دينار رغملي اغلى منها و خرج طار بكرهبتو للفيلا متاعو.
محبش يروح لدار بوه خاطر عارف باش يعرف لي هو روح سكران قعد في الصالة و مد دبوزة ويسكي وطاح يشرب.
راسو باش يترشق مالتخمام تذكر الطفلة متاع بكري.
وهو يخمم في ليليا قال في مخو لي متحبش تعرف تنجم تطلع كيفها زادا.
فوق هذا الكل هو ما يعرف علاها شي الاحتمالات الكل الموجودين صحيح لاباس عليهم اما حتى لى لاباس عليهم موش نقصين يفسدو ويشربو ويعملو لي يحبو عليه و حد ما شاف.
مخو يهز فيه و يجيب كي تذكر لي هي كانت مضروبة فيه قبل يعني هي راي فرحانة لي بش تعرس بيه ويمكن ياسر هذي فكرتها هي إلي كلمت بوها زاد نقم عليها وعافها. استغفر مولاه و كركر روحو لبيتو و رقد.
الحلقة 4 (قريبا)